Azərbaycan Milli Elmlər Akademiyası

Təvəkkül Rəsul oğlu Əliyev

Tarix üzrə fəlsəfə doktoru 

Fərdi plan üzrə çalışan Bölmə əməkdaşları “İbtidai icma və erkən sinifli cəmiyyətlər” mövzusunun tədqiqində aşağıdakı nəticələri əldə etmişlər:

1.Sərkərtəpə yaşayış yerinin (Xaçmaz r-nu) kompleks tədqiqi nəticəsində müəyyən edilmişdir ki, Azərbaycanın şimal-şərq bölgəsi Erkən Tunc dövründə Kür-Araz mədəniyyəti arealında lokal, özünəməxsus yer tutmuşdur;

2. Erkən sinifli cəmiyyətə keçid dövrünün monumental abidələri olan siklop tikililəri haqqında ümumiləşdirilmiş tədqiqat başa çatdırılmışdır;

3. Mil düzündə erkən əkinçi və maldar tayfalara məxsus bir sıra komplekslər aşkar olunaraq tədqiq edilmişdir;

4. Aşağı Qarabağda, Qarqarçay hövzəsində qədim Azərbaycan dövləti olan Albaniyaya məxsus şəhər yeri (Qalatəpə) müəyyən edilərək tədqiqata cəlb olunmuşdur;

5. Arxeoloji materiallar əsasında orta əsr Şabran şəhərinin ictimai-siyasi və mədəni-təsərrüfat həyatı araşdırılmışdır;

6. Şimal-Şərqi Azərbaycanın arxeoloji abidələri külliyyatı hazırlanaraq nəşr edilmişdir.