Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

18.03.2019 09:44
  • A-
  • A
  • A+

Molekulyar Biologiya və Biotexnologiyalar İnstitutunda “Elm günü” ilə bağlı məruzələr dinlənilib

Molekulyar Biologiya və Biotexnologiyalar İnstitutunda “Elm günü” ilə bağlı məruzələr dinlənilib

AMEA-nın Molekulyar Biologiya və Biotexnologiyalar İnstitutunda “Elm günü” ilə bağlı silsilə seminarlara start verilib.

Martın 15-də keçirilən ilk seminarda Karbonun fotosintetik assimilyasiyasının enzimologiyası laboratoriyasının müdiri, b.ü.f.d. Şahniyar Bayramov “Zülalların deqradasiyasının ubikivitin-proteasom yolu” mövzusunda məruzə ilə çıxış edib.

Uzun zaman Avropanın bir çox ölkələrində, o cümlədən ABŞ-da çalışan təcrübəli tədqiqatçının çıxışı iştirakçıların böyük marağına səbəb olub, mövzu ətrafında geniş müzakirələr aparılıb.

Daha sonra institutun Bioadaptasiya laboratoriyasının kiçik elmi işçisi Gülnar Abdullayeva “DNT polimeraza fermentləri, genomun qeyri-stabilliyi və kanser” mövzusunda məruzə ilə çıxış edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: