Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  ANONSLAR

AMEA-nın elmi tədqiqat müəssisələrində direktor vəzifəsini tutmaq üçün seçkilər elan edilib
11.06.2019 09:29
  • A-
  • A
  • A+

AMEA-nın elmi tədqiqat müəssisələrində direktor vəzifəsini tutmaq üçün seçkilər elan edilib

Azərbaycan Milli Elmlər Akademiyasının Rəyasət Heyəti AMEA-nın elmi bölmələrinin bürolarının qərarlarını nəzərə alaraq aşağıdakı elmi tədqiqat müəssisələrində direktor vəzifəsini tutmaq üçün seçkilər elan edir:

Fizika-Riyaziyyat və Texnika Elmləri Bölməsi üzrə:

Fizika İnstitutu

İdarəetmə Sistemləri İnstitutu

Riyaziyyat və Mexanika İnstitutu

İnformasiya Texnologiyaları İnstitutu

Biofizika İnstitutu

Kimya Elmləri Bölməsi üzrə:

Akademik Murtuza Nağıyev adına Kataliz və Qeyri-üzvi Kimya İnstitutu

Akademik Əli Quliyev adına Aşqarlar Kimyası İnstitutu

Yer Elmləri Bölməsi üzrə:

Geologiya və Geofizika İnstitutu

Biologiya və Tibb Elmləri Bölməsi üzrə:

Akademik Abdulla Qarayev adına Fiziologiya İnstitutu

Mərkəzi Nəbatat Bağı

Humanitar Elmlər Bölməsi üzrə:

Nizami Gəncəvi adına Ədəbiyyat İnstitutu

Məhəmməd Füzuli adına Əlyazmalar İnstitutu

Nizami Gəncəvi adına Milli Azərbaycan Ədəbiyyatı Muzeyi

Hüseyn Cavidin Ev Muzeyi

İctimai Elmləri Bölməsi üzrə:

Fəlsəfə İnstitutu

Milli Azərbaycan Tarixi Muzeyi

Akademik Ziya Bünyadov adına Şərqşünaslıq İnstitutu

AMEA-nın elmi-tədqiqat müəssisəsinin direktoru vəzifəsinə namizədlər yüksək elmi nailiyyətləri, elmi-təşkilati bacarığı olan alimlər sırasından müvafiq bölmənin bürosu, AMEA-nın həmin bölmədən olan üzvləri və ya həmin elmi müəssisənin elmi şurası tərəfindən irəli sürülə bilər.

Namizədlərin irəli sürülməsinə dair aşağıdakı sənədlər (2 nüsxədə) 2019-cu il iyulun 11-dək AMEA-nın müvafiq elmi bölməsinə (Bakı şəhəri, İstiqlaliyyət küçəsi, 30) təqdim edilməlidir:

- namizədin irəli sürülməsi haqqında müvafiq bölmə bürosunun, AMEA-nın həmin bölmədən olan üzvünün və ya elmi müəssisənin elmi şurasının təqdimatı;

- namizədin seçkilərdə iştirak etməsi haqqında yazılı razılığı;

- elmi əsərlərin təsdiq olunmuş siyahısı;

- kadr uçotu üzrə şəxsi vərəqə;

- 2 ədəd fotoşəkil (6x9 sm.);

- təhsil, elmi dərəcə və elmi adlar haqqında sənədlərin təsdiq olunmuş surətləri;

- tərcümeyi-hal.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: