Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

22.12.2014 00:00
  • A-
  • A
  • A+

AMEA Zoologiya İnstitutunda “İlin ən fəal gənc alimi” müsabiqəsi keçirilib

AMEA Zoologiya İnstitutunda “İlin ən fəal gənc alimi” müsabiqəsi keçirilib

AMEA Zoologiya İnstitutunda ilk dəfə olaraq bu elmi müəssisədə fəaliyyət göstərən gənc alimlər arasında “İlin ən fəal gənc alimi” adlı müsabiqə keçirilib. Müsabiqənin qalibləri 2014-cü il ərzində dərc olunmuş elmi əsərlərinin sayı çox olan, yerli və xarici konfranslarda, treninqlərdə iştirak etmiş gənc əməkdaşlar arasından seçilib.

İştirakçılar 1, 2 və 3-cü yerlər uğrunda mübarizə aparıb. Belə ki, müsabiqədə I yerə 2 kitab, 2 məqalə və 1 tezisin müəllifi, Herpetologiya laboratoriyasının böyük elmi işçisi, biologiya üzrə fəlsəfə doktoru Səbinə Bünyatova, II yerə 3 məqalə, 3 tezisin müəllifi, Almaniyada beynəlxalq konfransda iştirak etmiş, Protistologiya laboratoriyasının doktorantı Türkan Qurbanova, III yerə isə xaricdə nəşr olunan 2 məqalə və 1 tezisin müəllifi, Herpetologiya laboratoriyasının elmi işçisi Gülbəniz Qasımova layiq görülüb.

Qeyd edək ki, hər il bu müsabiqənin ölkəmizdə keçirilməsi planlaşdırılır.

© Bütün hüquqlar qorunur. Xəbərlərdən istifadə edərkən www.science.az saytına istinad zəruridir.
  • Paylaş: