14-18 sentyabr 2015-ci il tarixlərində Abşeron rayonu Novxanı qəsəbəsində "Seysmoloji məlumatların emalının və təfsirinin müasir metodları"na həsr olunmuş X Beynəlxalq seysmoloji seminar keçiriləcək.
Beynəlxalq seminar Rusiya Elmlər Akademiyasının Geofizika Xidməti və AMEA-nın Respublika Seysmoloji Xidmət Mərkəzinin birgə təşkilatçılığı ilə baş tutacaq.
Tədbirin mövzuları:
- Rusiya Federasiyası, Azərbaycan və digər yaxın xarici ölkələrdə seysmik müşahidələrin indiki vəziyyəti.
- Seysmoloji məlumatların emalı və təfsiri üçün yeni proqramlar.
- Qafqazın seysmotektonikasının xüsusiyyətləri və onun seysmikliklə əlaqəsi.
- Qafqazda seysmoloji müşahidələr.
- Qafqaz regionunda maqnitudanın təyin olunmasının metodik aspektləri
Məqalələrin tərtibatına dair qoyulmuş tələblərlə tanış olmaq istəyənlər http://conf.gsras.ru/conf/documentation.htm elektoron ünvanına müraciət edə bilərlər.
Qeyd edək ki, X Beynəlxalq Seysmoloji seminarın materialları kitabça şəklində çap ediləcəkdir.
Daha ətraflı məlumatı http://seismology.az/az/news/160#.VUtVhvntmko linkindən əldə etmək olar.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir