Sumqayıt şəhəri 37 saylı orta məktəbin 8-ci sinif şagirdlərinin AMEA-nın Polimer Materialları İnstitutuna ekskursiyası təşkil olunub. Məqsəd məktəblilərin kimya fənninə marağının artırılması, institutda görülən işlər və laboratoriyalarda quraşdırılan müasir cihazlarla onları tanış etmək olub.
İnstitutun direktoru, AMEA-nın müxbir üzvü Bəxtiyar Məmmədov şagirdlərə rəhbərlik etdiyi müəssisənin tarixi, elmi fəaliyyət istiqamətləri və əldə olunan nailiyyətlər barədə məlumat verib.
Sonra institutun Poliefir və polikarbonat materiallar, Fiziki-kimyəvi analiz, Polimerlərin mexaniki-kimyəvi modifikasiyası və emalı laboratoriyalarında aparılan işlər əyani şəkildə nümayiş etdirilib.
Sonda şagirdlər institutun fəaliyyətini əks etdirən sərgi ilə tanış olublar.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.