Azərbaycan Milli Elmlər Akademiyası

Çexiyanın Eksperimental və Tətbiqi Fizika İnstitutunun (ÇETFİ) direktoru İvan Ştekl və bu müəssisənin keçmiş rəhbəri Stanislav Pospişil AMEA-nın Radiasiya Problemləri İnstitutunda (RPİ) olublar.

İnstitutun direktoru, AMEA-nın müxbir üzvü Oqtay Səmədovla görüşdə qonaqlara müəssisənin tarixi, strukturu, elmi fəaliyyət istiqamətləri və əldə olunan nailiyyətlər barədə məlumat verilib.

Sonra İ.Ştekl və S.Pospişil çıxış edərək ÇETFİ-də aparılan elmi-tədqiqat işləri haqqında danışıblar. Onlar RPİ-nin Radiasiya cihazqayırma, Radiobiologiya və Radioprotektorlar laboratoriyaları ilə əməkdaşlıqda maraqlı olduqlarını bildiriblər.

Sonda qonaqlar laboratoriyaların elmi -tədqiqat prosesi ilə tanış olublar.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.