Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“AMEA Xəbərləri (ictimai elmlər seriyası)” jurnalının xüsusi buraxılışı Azərbaycan Xalq Cümhuriyyətinin 100 illiyinə həsr olunub
01.03.2018 12:08
  • A-
  • A
  • A+

“AMEA Xəbərləri (ictimai elmlər seriyası)” jurnalının xüsusi buraxılışı Azərbaycan Xalq Cümhuriyyətinin 100 illiyinə həsr olunub

“Azərbaycan Milli Elmlər Akademiyasının Xəbərləri (ictimai elmlər seriyası)” jurnalının xüsusi buraxılışı çapdan çıxıb. Jurnal Prezident İlham Əliyevin Sərəncamına əsasən Azərbaycan Xalq Cümhuriyyətinin (AXC) 100 illiyinə həsr olunub.

Xüsusi buraxılışda 20-dən artıq yerli və xarici tədqiqatçının AXC tarixi ilə bağlı məqaləsi dərc olunub. Azərbaycan, Fransa, Rusiya, Türkiyə alimlərinin araşdırmalarında müstəqillik ərəfəsində Azərbaycanda daxili və xarici vəziyyət, Cümhuriyyətin elan olunması, AXC dövrünün hərbi-siyasi, sosial-iqtisadi məsələləri, milli hökumətin xarici siyasəti və digər problemlərə toxunulub, yeni arxiv mənbələri elmi dövriyyəyə gətirilib.

Jurnalda Milli Azərbaycan Tarixi Muzeyinin əməkdaşları - t.ü.f.d. Fərhad Cabbarovun “Cümhuriyyətin iqtisadi siyasətinin bəzi məsələlərinə dair”, t.ü.f.d. Səbuhi Əhmədovun “Применение метода “эшелонной войны” в боевых действиях на территории Азербайджана в 1918 году”, Emin Dadaşovun “1918-ci il mart hadisələri zamanı Bakı şəhərində dağıdılmış ictimai binaların əks olunduğu fotokolleksiya (Milli Azərbaycan Tarixi Muzeyinin materialları əsasında)” adlı məqalələri də yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: