Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

Tətbiqi Riyaziyyat Elmi-Tədqiqat İnstitutunda vebinar keçirilib
22.09.2021 17:46
  • A-
  • A
  • A+

Tətbiqi Riyaziyyat Elmi-Tədqiqat İnstitutunda vebinar keçirilib

Bakı Dövlət Universitetinin (BDU) nəzdində Tətbiqi Riyaziyyat Elmi-Tədqiqat İnstitutunda vebinar keçirilib.

Vebinarda akademik Fikrət Əliyev “Maye dempferli rəqsvari sistemlər üçün bəzi riyazi məsələlər və onların həlli” mövzusunda məruzə ilə çıxış edib.

Məruzədə maye dempferli rəqsvari sistem üçün riyazi məsələ - praktikadan götürülən statistik verilənlərə tabe olan həddin kəsr törəməsinin tərtibi, baş kütlənin kifayət qədər böyük qiyməti üçün ayrılmayan sərhəd şərtli uyğun sistemin həllinin qurulması, birinci yaxınlaşmada asimptotik həllin tapılması, uyğun olaraq proqram trayektoriya və idarəedicilərin ətrafında sistemi stabilləşdirmək üçün optimal requlyatorların qurulması məsələlərindən bəhs olunub.

Vebinarda institutun əməkdaşları və Zəncan Universitetinin Riyaziyyat bölməsinin professoru Ali Şükrü, Atatürk Universitetinin Riyaziyyat bölməsinin professoru Ahmet Ocak Akdemir iştirak ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: