AMEA-nın akademik H.Ə.Əliyev adına Coğrafiya İnstitutunun Demoqrafiya və əhali coğrafiyası şöbəsinin böyük elmi işçisi, c.ü.f.d. Etibar Bədəlov “Vətən müharibəsinin başlanmasının səbəbləri, nəticələri və onun tarixi əhəmiyyəti” mövzusunda keçirilən beynəlxalq elmi-praktiki konfransda iştirak edib.
Alim Azərbaycan Respublikasının Silahlı Qüvvələrinin Hərbi Akademiyasının təşkilatçılığı, Türkiyə və Ukrayna respublikalarının Milli Müdafiə universitetlərinin iştirakı ilə baş tutan onlayn tədbirdə “Azərbaycan Respublikasında I və II Vətən müharibələrinə zəmin yaradan siyasi-coğrafi və etnodemoqrafik proseslər” mövzusunda məruzə edib.
E.Bədəlov məruzəsində 44 günlük Vətən müharibəsində qazanılan qələbənin Ali Baş Komandan İlham Əliyevin adı ilə bağlı olduğundan, ölkənin siyasi-coğrafi xüsusiyyəti, onun etnodemoqrafik vəziyyətində yaranmış problemin həllində Prezidentin apardığı uğurlu siyasətdən bəhs edib.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.