Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  NƏŞRLƏR

“AMEA-nın xəbərləri. İqtisadiyyat seriyası” jurnalının yeni nömrəsi nəşr olunub
01.12.2021 14:12
  • A-
  • A
  • A+

“AMEA-nın xəbərləri. İqtisadiyyat seriyası” jurnalının yeni nömrəsi nəşr olunub

AMEA-nın İqtisadiyyat İnstitutunun “AMEA-nın xəbərləri. İqtisadiyyat seriyası” elmi jurnalının 2021-ci il üzrə ikinci nömrəsi oxuculara təqdim olunub.

Jurnalda 25 elmi məqalə dərc olunub. Nəşrdə “Dünyanın iqtisadi arxitekturası: qlobal bərabərsizliyin sivilizasiya fərqliliyi”, “Ölkənin sosial-iqtisadi inkişafının davamlılığının qiymətləndirilməsi üçün statistik yanaşma”, “Bilik iqtisadiyyatının formalaşmasında innovativ texnologiyaların rolu”, “Yanacaq-enerji kompleksinin ətraf mühitə neqativ təsirlərinin azaldılması yolları”, “Pandemiyanın sığorta bazarına təsirinin qiymətləndirilməsi”, “Turizm müəssisələrinin rəqabətqabiliyyətinin yüksəldilməsində dövlət tənzimlənməsi mexanizmləri və hüquqi bazanın təkmilləşdirilməsi yolları”, “Azərbaycanda strateji yol xəritəsi kontekstində iqtisadiyyatda şəffaflığın artırılmasının aktual problemləri”, “Azərbaycanın Almaniya ilə iqtisadi əməkdaşlığının genişləndirilməsi perspektivləri” və s. kimi mövzularda aktual elmi məqalələr yer alıb.

Xatırladaq ki, AMEA Rəyasət Heyətinin qərarı ilə 1966-cı ildən nəşr olunan jurnal Azərbaycan Respublikasının Prezidenti yanında Ali Attestasiya Komissiyasının “Azərbaycan Respublikasında dissertasiyaların əsas nəticələrinin dərc olunması tövsiyə edilən elmi nəşrlərin” siyahısına daxildir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: