Azərbaycan Milli Elmlər Akademiyası

Milli Azərbaycan Tarixi Muzeyinin Numizmatika fondunda Ağqoyunlu hökmdarı Xəlilxanın adından zərb edilmiş nadir mis sikkə (1,5 q çəkili) qorunur.

Xəlilxan çox qısa müddətdə (1477–1479) hakimiyyətdə olub. Məhz bu səbəbdən də həmin hökmdarın dövründən bu günə qədər gəlib çatmış sikkələr nadir hesab edilir.

Sikkənin üst tərəfinə ərəbcə “əl-sultan Xəlil xan”, digər tərəfində isə sola istiqamətlənən pələng və balasının təsviri, üzərində ərəbcə: “Ərzincan” sözü həkk edilib. Bu qiymətli numizmatik fakt XV əsrin sonunda Azərbaycanın pul dövriyyəsini, xüsusilə Türkiyə ilə ticarət əlaqələrini təsdiq edir. Həmçinin sultan Xəlil dövründə gümüş sikkələr – təngə və onun fraksiyaları (1/3, 1/4) zərb edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.