AMEA-nın Rəyasət Heyətinin elmi katibi Coşqun Məmmədovun həmmüəllifi olduğu “Müxtəlif şəraitə malik iqtisadi rayonlar üzrə bərpa olunan enerji mənbələrinin müəyyən edilməsi: Azərbaycan nümunəsində (Selection of renewables for economic regions with diverse conditions: the case of Azerbaijan)” başlıqlı elmi məqalə yüksək impakt faktor göstəricisi 3,889 olan İsveçrənin beynəlxalq nüfuzlu “Sustainability” jurnalında çap edilib.
Məqalədə respublikanın Qarabağ və Quba-Xaçmaz iqtisadi rayonları üzrə bərpa olunan enerji mənbələrinin öyrənilməsi istiqamətində müxtəlif iqtisadi metodlar əsasında elmi-tədqiqat işləri aparılıb, əldə olunmuş nəticələr geniş təhlil edilib.
Təhlillər göstərir ki, ölkənin iqtisadi rayonlarının yerləşdiyi coğrafi mövqe, təbii ehtiyatların müxtəlifliyi, bərpa olunan enerji mənbələrinin qeyri-bərabər paylanması və bir sıra digər amillər bərpa olunan enerji mənbələrindən istifadə seçimində qruplaşdırma və xüsusi yanaşmanı tələb edir. Bu məqsədlə dərin iqtisadi araşdırmalara əsaslanan Qeyri-səlis çoxluqlar nəzəriyyəsindən istifadə olunub. Problemin həlli istiqamətləri birbaşa riyazi hesablamalar əsasında müəyyənləşdirilib.
Qeyd edək ki, yüksək reytinqə malik “Sustainability” jurnalı “Web of Science”: SCIE və SSCI, Scopus, GEOBASE, GeoRef, Inspec, AGRIS, RePEc, CAPlus/SciFinder və digər beynəlxalq elmi məlumat bazalarında indeksləşdirilib.
Elmi-tədqiqat işi sertifikata layiq görülüb.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.