Azərbaycan Milli Elmlər Akademiyası

Yanvarın 26-da Yerin yaxınlığından diametri 5-6 metr olan asteroid keçəcək.

N.Tusi adına Şamaxı Astrofizika Rəsədxanasından bildirilib ki, müşahidə ediləcək göy cisminə müvəqqəti olaraq “2023 BU” adı verilib.

“2023 BU” asteroidi yüksək parlaqlığa malikdir. Onu hətta həvəskar teleskoplarla da müşahidə etmək mümkün olacaq. Lakin asteroidi yalnız Yer kürəsinin cənub yarımkürəsinin sakinləri görə biləcəklər.

Qeyd edək ki, bu asteroid Yer üçün təhlükəli deyil, çünki o, planetdən bir neçə min kilometr uzaqlıqdan keçəcək. Daha dəqiq desək, Yerin mərkəzindən 6,200 mildən (10,000 km) az məsafədən keçəcək və Yerin orbitində fırlanan geostasionar peyklərin təxminən dörddə biri məsafəsində olacaq. Bu da onu deməyə əsas verir ki, “2023 BU” asteroidi Yerə son dərəcə yaxın, amma təhlükəsiz şəkildə keçəcək. Ümumilikdə isə diametri 150 metrdən böyük olan göy cisimləri planetimiz üçün təhlükəli hesab edilir.

Asteroidin hərəkətini izləmək üçün Virtual Teleskop keçidindən istifadə etmək olar. Keçid üzərindən canlı yayım yanvarın 26-da saat 23.15-də başlayacaq.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.