Azərbaycan Milli Elmlər Akademiyası

YAP Fəlsəfə və Sosiologiya İnstitutu üzrə ərazi partiya təşkilatının təşkilatçılığı ilə institut alimləri, partiya fəalları 27 Sentyabr - Anım Günü münasibətilə Şəhidlər Xiyabanını ziyarət ediblər.

Partiya fəalları və institut alimləri şəhid ailələri, ziyarətə qatılmış ictimaiyyat nümayəndələri ilə görüşüb, onlarla həmsöhbət olublar.

YAP Fəlsəfə və Sosiologiya İnstitutu ərazi təşkilatının sədri, s.e.ü.f.d., dosent Sənan Həsənov şəhid ailələri ilə görüşdə vətənimizin azadlığı uğrunda haqq mübarizəsinə qalxmış və uca məqama yetişmiş qəhrəmanlarımızın  milli birliyimizin, xalqımızın malik olduğu yenilməzliyin simvoluna çevrildiklərini diqqətə çatdırıb. Şəhidlərimizin qəhrəmanlığının alimlər qarşısında böyük vətən salnamələri yazmaq kimi şərəfli bir vəzifə qoyduğunu və gələcək nəsillərə örnək olduğu vurğulanıb. Müzəffər Ali Baş Komandan cənab İlham Əliyevin şəhidlərimizin əziz xatirəsinə və qazilərimizə göstərdiyi yüksək diqqət və qayğının əhəmiyyətindən danışılıb.

Yürüşə qatılmış institut  alimlərindən f.ü.f.d., dosent Həbib Hüseynov, f.ü.f.d., dosent Nicat Məmmədov, f.ü.f.d. Şölət Zeynalov, f.ü.f.d., dosent Fikrət Nəbiyev, partiya fəalları Asya Əhmədova, Leyla Həmidova və Nuray Ələsgərova şəhidlərimizin məzarları önündə onların valideynləri və yaxınları ilə görüşdə vətənimizin başını uca edən qəhrəmanlarımızı böyüdən valideynlərinə təşəkkür və ehtiramlarını bildiriblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.