Azərbaycan Milli Elmlər Akademiyası

Ataəmi Bala Baba oğlu Mirzəyev

Füzuli yaradıcılığı dövrümüzün tanınmış alimləri tərəfindən həm ideya, həm də bədii gözəlliyi baxımından yetərincə tədqiq edilmiş, Füzulinin sözə zərgər dəqiqliyi ilə yanaşması öyrənilmiş, eyni zamanda onun özündən sonrakı klassik dönəm ədəbiyyatına təsiri də yetərincə işıq üzü görmüşdür.

Sovet dönəmində Azərbaycan klassiklərinin, o cümlədən Füzulinin bədii irsinin öyrənilməsi, nəşri sahəsində çox işlər görülüb. Bunlar inkar edilməz həqiqətdir. Lakin bununla belə yaradıcılığı Şərq nəzəri sistemi- üstündə qurulan Füzulinin bədiiyyat bəlağəti, söz sənəti Qurandan qaynaqlanan bəlağət möcüzəsi əsaslandığı, məxəzləndiyi, nəzəriyyə üstündə deyil, əsasən Yunan-Avropa poetik sisteminin qəlibləri çərçivəsində tədqiq edilmişdir.

Müxtəlif yönlərdən öyrənilən Füzuli yaradıcılığının tədqiqinə bu gün də ehtiyac duyulur. Çünki Füzuli yaradıcılığının bəlağəti, dilinin fəsahəti, aforizmi, nəsihətamiz-ibrətamiz hikməti Qurani Kərimdən qaynaqlanıb.