Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MƏDƏNİYYƏT

Milli Azərbaycan Tarixi Muzeyi ilə tanışlıq rusiyalı qonaqlarda zəngin təəssürat yaradıb
13.09.2019 15:21
  • A-
  • A
  • A+

Milli Azərbaycan Tarixi Muzeyi ilə tanışlıq rusiyalı qonaqlarda zəngin təəssürat yaradıb

Rusiyanın “ВЕЛЕС Капитал” kompaniyasının direktoru Аleksey Qnedovski, Rusiya Federasiyasının Mədəniyyət Nazirliyinin əməkdaşı, silahlar üzrə mütəxəssis Yelena Tixomirova və kolleksioner, hərb tarixçisi Dmitriy Kloçkov AMEA-nın Milli Azərbaycan Tarixi Muzeyini ziyarət ediblər.

Məqsəd “ВЕЛЕС Капитал” kompaniyasının təşəbbüsü ilə 2020-ci ilin 29 yanvar-29 mart tarixlərində Moskva şəhərində keçiriləcək “İmperiya və Qafqaz” adlı sərgi üçün Milli Azərbaycan Tarixi Muzeyinin silah kolleksiyası ilə tanışlıq olub. Sərginin əsas istiqamətlərindən biri XIX-XX əsrin əvvəlləri istifadə olunan Qafqaz silahlarıdır. 

Rusiyalı qonaqlar əvvəlcə muzeyin direktoru, akademik Nailə Vəlixanlı ilə görüşüblər. N.Vəlixanlı müxtəlif dövrləri əks etdirən muzeyin silah kolleksiyası və burada qorunan tarixi əşyalar barədə onlara ətraflı məlumat verib.

Görüşdə Azərbaycan-Rusiya mədəni əlaqələrinin genişləndirilməsi istiqamətində müzakirələr aparılıb.

Daha sonra qonaqlar H.Z.Tağıyevin xatirə muzeyini ziyarət ediblər. Buradakı məişət əşyaları və tarixi sənədlər onlarda zəngin təəssürat yaradıb.

Rusiyalı qonaqlar, həmçinin muzeyin Silahlar və bayraqlar fondunun materialları ilə tanış olublar. Onlara muzeyin silahlar və bayraqlar kolleksiyası barədə məlumat verilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: