Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

AzScienceNet şəbəkəsinin perspektivlərinə dair müzakirələr aparılıb
03.07.2020 13:54
  • A-
  • A
  • A+

AzScienceNet şəbəkəsinin perspektivlərinə dair müzakirələr aparılıb

AMEA-nın İnformasiya Texnologiyaları İnstitutunun növbəti onlayn iclası keçirilib.

Əvvəlcə AMEA-nın vitse-prezidenti, institutun direktoru, akademik Rasim Əliquliyev çıxış edərək iclasın “EaPConnect 2” layihəsi ilə bağlı görüləcək işlər, AzScienceNet elm-kompüter şəbəkəsinin perspektivləri və şəbəkənin maliyyə məsələlərinin müzakirəsinə həsr olunduğunu bildirib.

Tədbirdə institutun  texnologiyalar üzrə direktor müavini, texnika üzrə fəlsəfə doktoru, dosent Rəşid Ələkbərov  AzScienceNet-in infrastruktur məsələləri və GEANT şəbəkəsi ilə bağlı mövcud vəziyyətdən danışıb. O, AzScienceNet-in infrastrukturunun genişləndirilməsi və texniki imkanlarının artırılması ilə bağlı görülən işləri diqqətə çatdırıb. Alim, həmçinin GEANT tərəfindən təqdim olunan avadanlıqların AzScienceNet-də qoşulması, sazlanması və işə salınması, LOLA audiovizual yayım sisteminin Naxçıvan Muxtar Respublikasında quraşdırılması ilə bağlı məlumat verib.

Daha sonra institutun Beynəlxalaq əlaqələr şöbəsinin müdiri, texnika üzrə fəlsəfə doktoru Babək Nəbiyev EaPConnect layihəsi çərçivəsində AzScienceNet-ə göstərilən maliyyə dəstəyi və öhdəliklər haqqında hesabatı təqdim edib.

İclasda, həmçinin 3Gb/s sürətin AMEA-nın təşkilatları arasında optimal paylanması, GEANT tərəfindən təqdim olunan xidmətlərin vəziyyəti və perspektivdə nəzərdə tutulan işlərlə bağlı müzakirələr aparılıb.

Sonda akademik R.Əliquliyev çıxış edərək AzScienceNet şəbəkəsində həyata keçirilən tədbirlərə dair fikirlərini səsləndirib, yaxın günlərdə şəbəkənin infrastrukturunun genişləndirilməsinə həsr olunmuş iclasın keçirilməsini təklif edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: