Национальная Академия Наук Азербайджана

Первый cайт Азербайджана (1995)

ГЛАВНАЯ  >>  НОВОСТИ  >>  ВСТРЕЧИ

Şərqşünaslıq İnstitutu ilə İraqın elm və təhsil müəssisələri arasında əməkdaşlıq perspektivləri müzakirə edilib
18.05.2021 10:27
  • A-
  • A
  • A+

Şərqşünaslıq İnstitutu ilə İraqın elm və təhsil müəssisələri arasında əməkdaşlıq perspektivləri müzakirə edilib

İraq Respublikasının Azərbaycandakı Səfirliyinin birinci katibi Huthayfa Z.Mahmud AMEA-nın akademik Z.M.Bünyadov adına Şərqşünaslıq İnstitutunda müəssisənin direktoru, akademik Gövhər Baxşəliyeva ilə görüşüb.

G.Baxşəliyeva Azərbaycanın ərəb ölkələri ilə elmi, mədəni əlaqələrindən söz açaraq, bu münasibətlərin möhkəmlənməsində şərqşünas alimlərin mühüm rolunu qeyd edib. Akademik institutda ərəb ölkələrinin tarixi, iqtisadiyyatı, ərəb dili və ədəbiyyatı ilə bağlı aparılan tədqiqatlardan, nəşr olunan kitablardan söz açıb, ərəb mənbələrində bir çox xalqların, o cümlədən Azərbaycanın tarixinə dair mühüm məlumatların olduğunu vurğulayıb.

Huthayfa Z.Mahmud Şərqşünaslıq İnstitutunda ərəbşünaslıq sahəsində aparılan tədqiqatları yüksək qiymətləndirib.

Görüşdə Şərqşünaslıq İnstitutu ilə İraqın elm və təhsil müəssisələri arasında əməkdaşlıq perspektivləri müzakirə edilib. Qarşılıqlı elmi ezamiyyətlər, konfranslarda iştirak və digər sahələrdə əməkdaşlıq imkanları barədə söhbət aparılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Поделиться: