İyulun 19-da saat 12:00-da AMEA Mərkəzi Elmi Kitabxanasında “Şollerin arxivi” bədii filmi nümayiş olunacaq.
Film “Cənubi Qafqaz regionunda alman məskənlərinin salınmasının 200 illiyi haqqında” ölkə Prezidentinin 30 avqust 2016-cı il tarixli Sərəncamı əsasında çəkilib.
Triller janrında lentə alınan ekran əsərinin ssenari müəllifi, quruluşçu rejissoru və baş prodüseri Cəlaləddin Qasımov, ikinci rejissoru tanınmış kinematoqrafçı Adil Qulamovdur.
Filmdəki hadisələr ötən əsrin 40-cı illərindən Azərbaycanda yaşamış alman mənşəli Şollerlər ailəsinin həyatı üzərində qurulub. Çəkilişlər Gəncə, Xanlar, Tovuz və Bakıda aparılıb.
“Şollerin arxivi” bədii filmi Karlovi Vari və Kans film festivallarında nümayiş etdirilib.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.