Azərbaycan Milli Elmlər Akademiyası

Azərbaycan Respublikası Konstitusiyasının 109-cu maddəsinin 32-ci bəndini rəhbər tutaraq qərara alıram:

Azərbaycan Respublikası Prezidentinin 2004-cü il 2 aprel tarixli 46 nömrəli Fərmanı (Azərbaycan Respublikasının Qanunvericilik Toplusu, 2004, № 4, maddə 226 (Cild I) ilə təsdiq edilmiş “Azərbaycan Milli Ensiklopediyasının redaksiya heyəti haqqında Əsasnamə”də aşağıdakı dəyişikliklər edilsin:

1. 15-ci bənd üzrə:

1.1. birinci cümlədən “bir birinci müavini və” sözləri çıxarılsın;

1.2. ikinci cümlədə “Azərbaycan Milli Ensiklopediyası Nəşriyyat-Poliqrafiya Birliyində” sözləri “Azərbaycan Milli Ensiklopediyası” Elmi Mərkəzində” sözləri ilə əvəz edilsin;

1.3. üçüncü cümlədə “Birliyin” sözü “Mərkəzin” sözü ilə əvəz edilsin.

2. 19-cu bənd üzrə:

2.1. birinci cümlədə “birinci müavini” sözləri “müavinlərindən biri” sözləri ilə əvəz edilsin;

2.2. ikinci cümlədə “və adi” sözləri “sadə“ sözü ilə əvəz edilsin.

İlham Əliyev

Azərbaycan Respublikasının Prezidenti

Bakı şəhəri, 25 oktyabr 2024-cü il

President.az