Azərbaycan Milli Elmlər Akademiyası

AMEA-nın Məhəmməd Füzuli adına Əlyazmalar İnstitutunun Elmi şurasının qərarı ilə institutun Türk dünyası əlyazmalarının tədqiqi şöbəsinin böyük elmi işçisi Tahirə Əliyevanın transfoneliterasiya edərək nəşrə hazırladığı “Əhdi Bağdadi. Gülşən-i şü’əra” əsəri ayrıca kitab halında işıq üzü görüb.

T.Əliyeva kitaba geniş “Ön söz” yazmış, izahlar və tərcümələr əlavə etmişdir.

Əhməd Əhdi bin Şəmsi Bağdadinin h.971-ci ildə (m.1563-1564) yazdığı, sonralar də müəyyən əlavələr etdiyi “Gülşən-i şü’əra” təzkirəsində Azərbaycan, Türkiyə, Özbəkistan, İran, İraq, Misir, Suriya və s. ölkələrdə yaşayan cəmiyyətin müxtəlif təbəqələrinə məxsus şəxslər və şairlər haqqında başqa mənbələrdə olmayan dəyərli məlumatlar və şeirlərindən nümunələr verilmişdir. Təzkirə müqəddimə, dörd rövzə (hissə) və xatimədən ibarətdir.

Qeyd edək ki, yeni nəşrin elmi məsləhətçisi fil.e.d., professor Azadə Musabəyli, elmi redaktorları fil.ü.f.d., dosent Əkrəm Bağırov və tərcüməçi əlyazmaşünas Arif Ramazanovdur.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.