Azərbaycan Milli Elmlər Akademiyası

Elm və Təhsil Nazirliyinin Dendrologiya İnstitutunun elmi əməkdaşı dosent Vüsalə İsmayılova Azərbaycan Dövlət Neft və Sənaye Universitetində “Scopus AI” - süni intellekt aləti ilə tədqiqat bacarıqlarının inkişafı mövzusunda info-sessiyada iştirak edib.

“Scopus AI” akademik heyət, tədqiqatçı və tələbələrə istənilən mövzuda axtarış aparmağa, elmi fakt, məqalələrə əsaslanan xülasələr əldə etməyə imkan verir. Bu xidmət sayəsində istifadəçilər minlərlə məqalədə mövcud olan məlumatların ümumiləşdirilmiş təsvirini bir anda əldə edə və bir neçə saniyə içərisində oxuya biləcəklər. Sessiyada qeyd edilib ki, “Scopus AI” aləti Elm və Təhsil Nazirliyinin təşəbbüsü ilə 100-dən çox elmi, eləcə də ali təhsil müəssisəsinin istifadəsinə verilib.

Sessiyanın əsas məqsədi yeni biliklər qazana və ya tədqiqat sahəsi üzrə bilikləri dərinləşdirməkdən, yeni və aktual tədqiqat imkanlarını və gələcək araşdırmalar üçün perspektivli sahələri müəyyən etmək, potensial tədqiqat tərəfdaşlarını və əməkdaşlıqları müəyyən etməkdən ibarətdir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.