Azərbaycan Milli Elmlər Akademiyası

Rusiya Təbiət Elmləri Akademiyasının (RTEA) Rəyasət Heyətinin (Beynəlxalq Alimlər, Müəllimlər və Mütəxəssislər Assosiasiyası) qərarı ilə akademik Həsən Əliyev adına Coğrafiya İnstitutunun Turizm və rekreasiya coğrafiyası şöbəsinin müdiri, c.ü.f.d., dosent Zaur İmrani “Əməkdar elm və təhsil işçisi” fəxri adına layiq görülüb.

Bu ad ona elmi nəşrlərinə (Web of Science), layihələrdə iştirakına və elmi yeniliklərinə görə verilib.

Qeyd edək ki, RTEA tərəfindən “Əməkdar elm və təhsil işçisi” fəxri adı elm və texnikanın prioritet sahələrinin inkişafında, elmi məktəblərin yaradılmasında, elmi kadrların   yetişdirilməsində və hazırlanmasında xidmətlərinə görə fəlsəfə doktoru elmi dərəcəsi olan alimlərə verilir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.