Bakıda “Heydər Əliyev İli” çərçivəsində “Türk Dövlətlərinin Diaspor Gənclərinin I Forumu: Heydər Əliyev və Türk dünyası” adlı beynəlxalq forum keçirilir.
Forumun ilk paneli “Heydər Əliyev və Türk dünyası” mövzusuna həsr edilib.
Nizami Gəncəvi adına Milli Azərbaycan Ədəbiyyatı Muzeyinin direktoru, akademik Rafael Hüseynovun moderatorluğu ilə baş tutan paneldə Qazaxıstanın Azərbaycandakı səfiri Alim Bayel, Qırğızıstanın ölkəmizdəki səfiri Kayrat Osmonaliyev və Özbəkistanın Azərbaycandakı səfiri Bahrom Aşrafxanov çıxış edərək forumun işinə uğurlar arzulayıblar.
Panelin qonaqları Diasporla İş üzrə Dövlət Komitəsinin sədr müavini Vaqif Seyidbəyov, Azərbaycanın sabiq Baş naziri və keçmiş xarici işlər naziri, fövqəladə və səlahiyyətli səfiri Həsən Həsənov, Beynəlxalq Türk Mədəniyyəti və İrsi Fondunun prezidenti Günay Əfəndiyeva, Türk Dövlətləri Parlament Assambleyasının Baş katibi Mehmet Süreyya Er Ulu Öndər Heydər Əliyevin Azərbaycan və Türk Dünyasının tarixindəki rolundan, mədəniyyət və incəsənətə qayğısından, türk dövlətlərinin birliyi yolunda fəaliyyətindən bəhs ediblər.
Tədbir panel iştirakçılarının suallarının cavablandırılması ilə yekunlaşıb.
I Forumun ilk günü Heydər Əliyev Mərkəzinin ziyarət edilməsi ilə başa çatıb.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.