Azərbaycan Milli Elmlər Akademiyası

Azərbaycan Respublikası Elm və Təhsil Nazirliyinin Geologiya və Geofizika İnstitutu istedadlı, elmə həvəs göstərən, həmçinin elmi dərəcəsini artırmaq niyyətində olan gənclərin axtarışı ənənəsini davam etdirir. Geofizika, tətbiqi riyaziyyat, informatika, fizika, kimya və biologiya sahəsində ali təhsil almış gənc mütəxəssisləri (magistrləri, fəlsəfə doktorlarını) elmi-tədqiqat işlərində iştirak etməyə dəvət edir.

Xatırladaq ki, Geologiya və Geofizika İnstitutu (GGİ) fəaliyyət göstərdiyi 90 ilə yaxın zaman ərzində onlarla gəncin elmi nailiyyətlərə imza atmağında və yüksək elmi ad qazanmalarında vasitəçi olub. GGİ-də hətta uzaq xaricdə də yaxşı tanınan alimlər çalışıblar və gənc alimlərə elmi rəhbər olublar. Bu xoş ənənə indi də davam etməkdədir. Təsadüfi deyil ki, gənclərə vicdanlı qayğı və elmi uzaqgörənlik sayəsində GGİ hazırda da Azərbaycanın elm müəssisələri sırasında öndə gedir. Təkcə bunu demək kifayət edər ki, AR elm və təhsil nazirinin, Azərbaycan Respublikasının Prezidenti yanında Ali Attestasiya Komissiyası sədrinin, Milli Məclisin Elm və Təhsil Komitəsi sədrinin, AMEA-nın vitse-prezidentinin və digər məsul şəxslərin iştirakı şəraitində Geologiya və Geofizika İnstitutuna Ali Attestasiya Komissiyasının 001 saylı akkreditasiya şəhadətnaməsi təqdim olunub.

Geologiya və Geofizika İnstitutu bu gün tələb olunan gənc namizəd mütəxəssislərin seçimini müsabiqə əsasında aparacaq və onlara ödəniləcək əməkhaqqı əmək müqaviləsi əsasında reallaşacaq.

Müraciət üçün son tarix bu il dekabr ayının 1-nə kimidir.

Müraciətlər CV formasında olmalıdır.

Əlaqə üçün məlumat: AZ1143, Bakı, H.Cavid prospekti, 119 (Geologiya və Geofizika İnstitutu)

Tel.: (+994 12) 537 23 34, (+994 12) 510 01 41 (119).

E-mail: latifovayn@gmail.com

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.