Azərbaycan Milli Elmlər Akademiyası

Azərbaycan Milli Elmlər Akademiyasının Mərkəzi Elmi Kitabxanası (MEK) tərəfindən tərtib olunan AMEA-nın müxbir üzvü Əyyub Quliyevin biblioqrafik göstəricisi işıq üzü görüb.

“Azərbaycanın elm və mədəniyyət xadimləri” seriyasında nəşr olunan göstəriciyə AMEA-nın müxbir üzvü Əyyub Quliyevin həyatı və elmi fəaliyyətinin əsas tarixlərini, əsərlərinin biblioqrafiyasını-monoqrafiyaları, elmi-kütləvi məqalə və məruzələri, redaktə etdiyi materialları, həmçinin alimin rəhbərlik etdiyi dissertasiya işləri haqqında məlumatlar daxil edilib. Biblioqrafiyada ümumilikdə alimin namizədlik və doktorluq dissertasiyası, elmi məqalələr və kitabları da daxil olmaqla 152 mənbə var.

Alimin 70 illik yubileyinə həsr olunan vəsaitin elmi redaktoru MEK-in direktoru, texnika elmləri doktoru Hüseyn Hüseynov, tərtibçiləri Biblioqrafiya şöbəsinin əməkdaşları Nərgiz Novruzova və Mahnur Həsənovadır.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.