Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  MÜHÜM HADİSƏLƏR

17.07.2021 12:18
  • A-
  • A
  • A+

Şərqşünas alim beynəlxalq tədbirdə Ermənistanın minaladığı Azərbaycan ərazilərində dinc sakinlərin həlak olmasından danışıb

Şərqşünas alim beynəlxalq tədbirdə Ermənistanın minaladığı Azərbaycan ərazilərində dinc sakinlərin həlak olmasından danışıb

AMEA-nın akademik Z.Bünyadov adına Şərqşünaslıq İnstitutunun Ərəb filologiyası şöbəsinin aparıcı elmi işçisi, filologiya üzrə fəlsəfə doktoru, dosent Xumar Ələkbərova iyulun 16-18-də Avstraliyanın Sidney şəhərində keçirilən V beynəlxalq Sakit Okean Müasir Elmlər konfransında iştirak edib.

Konfransın işinə “Zoom” vasitəsilə qatılan şərqşünas alim “Müharibə fəsadlarından bəhs edən yeni dövr Misir novelistikası” mövzusunda məruzə ilə çıxış edib. Məruzədə XIX əsrdə ərəb ədəbiyyatına daxil olan novella janrının müasir Misir ədəbiyyatında keçdiyi inkişafı yolu haqqında qısa məlumat verilib. Daha sonra bu janr, xüsusən müharibə mövzusunda yazılmış novellalar daxil olmaqla, müasir misirli yazıçıların yaradıcılığında şərh edilib.

X.Ələkbərova müharibələrin fəsadlarından danışarkən məruzə əsnasında işğaldan azad edilmiş Azərbaycan torpaqlarında, Ermənistan tərəfindən minalanmış ərazilərdə hələ də dinc sakinlərin həlak olmasını da nəzərə çatdırıb.

Qeyd edək ki, artıq beşinci dəfədir təşkil olunan mötəbər tədbirdə bu dəfə dünyanın 24 ölkəsindən tədqiqatçı alimlər qatılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.

  • Paylaş: