Azərbaycan Milli Elmlər Akademiyası

AMEA-nın Respublika Seysmoloji Xidmət Mərkəzinin (RSXM) əməkdaşları tərəfindən məktəblilər arasında “Zəlzələ zamanı davranış qaydaları”na dair maarifləndirmə tədbirləri davam etdirilir. Yanvarın 13-də RSXM-nin əməkdaşları  Bakı şəhərinin Nizami rayonunda 129 saylı məktəbdə fəaliyyət göstərən “Kiçik akademiya” üzvlərinə təlim keçiblər. 

Təlimdə Seysmoloji Xidmət Mərkəzinin Tədris şöbəsinin müdiri Gülnarə Alxanova və Mühəndis geologiyası və seysmik mikrorayonlaşdırma şöbəsinin əməkdaşları İlhamə Cəlilova, Aytən Rəhimli zəlzələlər, onların baş vermə səbəbləri, zəlzələ baş verərkən davranış qaydaları haqqında məktəblilərə məlumat veriblər. Təlim zamanı məktəbliləri maraqlandıran sualları cavablandıran RSXM əməkdaşları bu cür təlimlərin maarifləndirmə xarakteri daşıdığını və gələcəkdə də davam etdiriləcəyini bildiriblər.

Daha sonra sual-cavabda fərqlənən şagirdlərə hədiyyələr təqdim olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.