Azərbaycan Milli Elmlər Akademiyası

AR Elm və Təhsil Nazirliyinin Dendrologiya İnstitutunun baş direktoru v.i.e., biologiya üzrə fəlsəfə doktoru Minarə Həsənova Rusiya Elmlər Akademiyasının V.L.Komarov adına Botanika İnstitutunda keçirilən MDB ölkələrinin Nəbatat bağlarının 6-cı konqresində iştirak edir.

Konqres Rusiya Elmlər Akademiyası, Beynəlxalq Elmlər Akademiyaları Assosiasiyaları yanında (IAAS) MDB ölkələrinin Nəbatat bağları Şurası, Rusiya, Belarus və Qazaxıstan Nəbatat bağları şuralarının təşkilatçılığı ilə keçirilir.

M.Həsənova konqresdə Dendrologiya İnstitutunun 2022-ci il üzrə yekun hesabatını təqdim edib. Alim Rusiya Elmlər Akademiyasının 300 illik yubileyinə həsr olunmuş “XXI əsrdə botanika bağlarında fundamental və tətbiqi problemlər” adlı beynəlxalq elmi konfransda isə “Azərbaycanın təbiət qoruqlarına iqlim dəyişikliyinin təsirinin öyrənilməsi” mövzusunda məruzə ilə çıxış edib. 

Qeyd edək ki, AR Elm və Təhsil Nazirliyinin Dendrologiya İnstitutu Beynəlxalq Elmlər Akademiyaları Assosiasiyaları yanında (IAAS) MDB ölkələrinin Nəbatat bağlarının üzvüdür. Müxtəlif ölkələrin 100-dən çox botanika bağı ilə əməkdaşlıq edir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.