Azərbaycan Milli Elmlər Akademiyası

Azərbaycanın ilk veb saytı (1995)

ANA SƏHİFƏ  >>  XƏBƏRLƏR  >>  KONFRANSLAR, İCLASLAR

06.11.2023 14:10
  • A-
  • A
  • A+

“Ədəbiyyat İnstitutunun Zəfər sevinci” tədbiri keçirilib

“Ədəbiyyat İnstitutunun Zəfər sevinci” tədbiri keçirilib

AMEA-nın Nizami Gəncəvi adına Ədəbiyyat İnstitutunda “Ədəbiyyat İnstitutunun Zəfər sevinci” adlı tədbir keçirilib.

İnstitut əməkdaşlarının iştirak etdiyi tədbiri giriş sözü ilə müəssisənin direktor müavini filologiya üzrə fəlsəfə doktoru, dosent Mehman Həsənli açaraq təbriklərini çatdırıb.

Mehman Həsənli  vurğulayıb ki, “Azərbaycan “Heydər Əliyev İli”ndə Zəfərin növbəti sevincini yaşayır. Prezident İlham Əliyevin fəaliyyətinin 20-ci il dönümündə şanlı Azərbaycan bayrağının Xankəndidə, Xocalıda, Xocavənddə, Əsgəranda, Ağdərədə, Sərsəngdə ucaldılması bütün Türk dünyasında qürur və sevinc doğurub. Ədəbiyyat İnstitutu da bu münasibətlə tədbirlər keçirir. Bu tədbir də əməkdaşlarımızın Zəfər sevincini əks etdirir. Əməkdaşlarımızın Zəfər günü ilə bağlı təbriklərini əks etdirən video-çarx hazırlamışıq. Bu video-çarxı institutumuzun əməkdaşı Pərvanə Kərimova hazırlayıb. Misilsiz qələbəninin sevincini bizə yaşadan qəhrəmanlarımıza təşşəkkür edirik. Qarabağın yenidən qurulması bütün şəhidlərimizin ruhuna bir ehtiramdır”.

Sonra institut əməkdaşlarının Zəfər sevincini əks etdirən video-çarx nümayiş etdirilib.

 

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir. 

 

  • Paylaş: