Azərbaycan Milli Elmlər Akademiyası

Azərbaycan Respublikası Mədəniyyət Nazirliyinin təşkilatçılığı ilə Bakı Ekspo Mərkəzində keçirilən “IX Bakı Beynəlxalq Kitab Sərgisi”ndə AMEA-nın Məhəmməd Füzuli adına Əlyazmalar İnstitutunun da nəşrləri yer alıb.

Azərbaycan Milli Elmlər Akademiyası üçün ayrılmış xüsusi zonada Əlyazmalar İnstitutunun ümumilikdə 19 kitabı sərgilənir ki, onların içərisində 9 monoqrafiya, institut materiallarının tərcümə və ya transfoneliterasiya olunmuş nüsxələri, o cümlədən Ulu Öndər Heydər Əliyev və zəfər tariximizlə əlaqədar olan materiallar öz əksini tapıb.

Qeyd edək ki, 15 noyabr 2023-cü il tarixində saat 16:00-17:00-da Beynəlxalq Kitab Sərgisinin “Şuşa” təqdimat zonasında Məhəmməd Füzuli adına Əlyazmalar İnstitutunun baş direktoru, akademik Teymur Kərimlinin “Heydər Əliyev və klassik irsimiz” monoqrafiyasının təqdimat mərasimi keçiriləcək.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.