Azərbaycan Milli Elmlər Akademiyası

Elm və Təhsil Nazirliyinin  H.Ə.Əliyev adına Coğrafiya İnstitutunun əməkdaşları Bakı Dövlət Universitetində (BDU) Hidrometeorologiya kafedrasının 50 illik yubileyinə həsr olunmuş “Hidrometeorologiyanın müasir nailiyyətləri və inkişaf istiqamətləri” adlı respublika elmi konfransında iştirak ediblər.

İnstitutun baş direktoru professor Zakir Eminov konfransın plenar iclasında  çıxış edib. Alim çıxışında hazırda dünyada baş verən iqlim dəyişmələri və su ehtiyatlarından istifadədə yaranan problemlərdən, onların həllində meteoroloq və hidroloq mütəxəssislərə olan böyük ehtiyacdan bəhs edib. O deyib ki, bu il Azərbaycanda iqlim dəyişmələri üzrə konfransın keçirilməsi də bunun nə qədər vacib olduğunu, kadrlara tələbatın yüksək olduğunu bir daha sübut edir.

Çıxışının sonunda Z.Eminov bütün coğrafiyaçılar ailəsini, o cümlədən yubileyi keçirilən kafedranın əməkdaşlarını təbrik edib, onlara işlərində və tədrisdə uğurlar arzulayıb.

İnstitutun Qurunun hidrologiyası və su ehtiyatları şöbəsinin müdiri, professor Rza Mahmudov iclasda Azərbaycanda regional iqlim dəyişmələri və kompleks su balans metodu ilə Qarabağ ərazi çaylarının su ehtiyatlarının qiymətləndirilməsi” mövzusu ilə məruzə edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.