Azərbaycan Milli Elmlər Akademiyası

AMEA-nın Rəyasət Heyətinin həftəlik mətbu orqanı olan “Elm” qəzetinin noyabr ayında növbəti sayı çapdan çıxıb.

Qəzetin ön səhifəsində “Bişkekdə Prezident İlham Əliyevə “Çingiz Aytmatov” ordeni təqdim edilib” başlıqlı informasiya yer alıb.

Bugünkü sayda ilk səhifələrdə AMEA-nın prezidenti akademik İsa Həbibbəylinin Zəfər Günü münasibətilə Akademiya əməkdaşlarına təbrik məktubu, Zəfər Gününə həsr olunan tədbirə dair yazı, eləcə də “Yaşıl dünya naminə həmrəylik – COP29-un çağırışları və humanitar elmin vəzifələri” mövzusunda elmi konfrans və “Ekoloji sivilizasiyanın astanasında: Yaşıl enerjiyə keçid” kitabının təqdimatı haqqında informasiyalar təqdim edilib.

Qəzetdə “AMEA Asiyanın nüfuzlu akademiyaları ilə bir sırada” başlıqlı yazı, o cümlədən Akademiyanın regional bölmələrində və elmi mərkəzlərində keçirilən tədbirlərlə bağlı informasiyalar dərc edilib.

Bundan əlavə, qəzetin bugünkü buraxılışında “Azərbaycan Milli Elmlər Akademiyası-80” rubrikası altında “Tarix və Etnologiya İnstitutunun Azərbaycan Milli Elmlər Akademiyasının tarixində yeri”, “Arxeologiyamızın 8 Noyabr səhifəsi” və “Dövlətimizin milli suverenliyinin simvolu” adlı məqalələr və yeni elmi nəşrlərə dair xəbərlər təqdim olunub.

Qəzetin rus və ingilis dili bölməsində akademik İsa Həbibbəylinin iştirak etdiyi tədbirlərlə bağlı icmal, COP29 mövzusunda müsahibə və son elmi yeniliklərə dair informasiyalar yer alıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.