Azərbaycan Milli Elmlər Akademiyası

Azərbaycan Radiosunda “Axşam görüşləri” proqramının bu ilə olan sonuncu buraxılışı yayımlanıb.

Nizami Gəncəvi adına Milli Azərbaycan Ədəbiyyatı Muzeyinin direktoru akademik Rafael Hüseynovun təqdimatında yayımlanan verilişdə yola saldığımız 2024-cü ildə ölkəmizdə həyata keçirilən nəhəng layihələrdən, görülən misilsiz işlərdən, Azərbaycanın gücünü, qüdrətini dünyaya bir daha nümayiş etdirən COP29 tədbirindən bəhs edilib.

Həmçinin Mədəniyyət Nazirliyinin dəstəyi ilə Azərbaycan Dövlət Akademik Opera və Balet Teatrında ilk dəfə nümayiş etdirilən "Nəsimi" operası barədə məlumat verilib.

Proqramda cari ilin tarixi mənzərəsinə nəzər salınıb.

Akademik Rafael Hüseynov Dünya Azərbaycanlılarının Həmrəyliyi Günü və Yeni il bayramı münasibətilə dinləyiciləri təbrik edib, onlara yeni başlanğıclar, xoş ovqat və rifah arzulayıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.