Azərbaycan Milli Elmlər Akademiyası

2025-ci ildə Azərbaycan ədəbiyyatının görkəmli nümayəndəsi, qüdrətli şair və böyük maarif xadimi Seyid Əzim Şirvaninin anadan olmasının 190 ili tamam olur.

Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) bu münasibətilə virtual sərgi (https://heyzine.com/flip-book/069ef00edd.html) hazırlanıb.

“Seyid Əzim Şirvani-190” adlı sərgidə böyük söz ustası S.Ə.Şirvaninin həyat və yaradıcılığı, pedaqoji fəaliyyəti haqqında məlumatlar, Azərbaycan Respublikası Prezidenti İlham Əliyevin Seyid Əzim Şirvaninin 190 illiyinin qeyd edilməsi haqqında Sərəncamı öz əksini tapıb. Burada müxtəlif dillərdə müəllifin qəzəl, satira, məktub, təmsil, mənzum hekayətləri, fəlsəfəsi görüşlərini əhatə edən “Seçilmiş əsərləri”, “Təmsillər, mənzum hekayələr və öyüdlər”, “Seyid Əzim Şirvani və məktəb”, “Aləmdə səsim var mənim”, “Oğluma nəsihət”, “Seyid Əzim Şirvaninin yaradıcılıq yolu” və digər qiymətli nəşrlər yer alıb.

Qeyd edək ki, 20 may görkəmli şairin anım günüdür.

MEK-də ənənəvi formada da təşkil edilən sərgi ilboyu oxucular və ziyarətçilər üçün açıq olacaq.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.