Azərbaycan Milli Elmlər Akademiyası

AR ETN Molekulyar Biologiya İnstitutu PHŞ və AMEA-nın Biologiya və Tibb Elmləri Bölməsinin birgə təşkilatçılığı ilə 24 sentyabr 2026-cı il tarixində “Şəhərsalmanın ekoloji, bioloji və tibbi aspektləri: dayanıqlı və sağlam urban mühit” mövzusunda beynəlxalq elmi simpozium keçiriləcək.

Tədbirin məqsədi şəhər mühitinin ekoloji, bioloji və tibbi komponentlərinin qarşılıqlı təsirini müasir elmi yanaşmalar əsasında təhlil etmək, beynəlxalq elmi təcrübənin və innovativ tədqiqat nəticələrinin müzakirəsi üçün platforma yaratmaqla dayanıqlı və sağlam “yaşıl şəhər” mühitinin formalaşdırılması istiqamətində elmi cəhətdən əsaslandırılmış yanaşmaların və tövsiyələrin hazırlanmasına töhfə verməkdir.

Konfransın mövzuları:

1.Şəhər mühiti və insan sağlamlığı: molekulyar-genetik və sistemli yanaşmalar

2.Şəhər mühitində ekoloji risklər: fraqmentasiya, çirklənmə və səs-küy amilləri

3.Şəhər biomüxtəlifliyi və ekosistem davamlılığı

4.Yaşıl infrastruktur və bioadaptiv memarlıq

5.Sağlam və dayanıqlı şəhər modelləri

6.Urban stres və psixi sağlamlıq problemləri

7.Şəhər mühitinə xas yoluxucu və qeyri-yoluxucu xəstəliklər, profilaktik urban yanaşmalar

8.Ekoloji təhlükəsiz şəhərlər üçün innovativ və normativ-hüquqi həllər.

Tezisləri ingilis və ya Azərbaycan dillərində aşağıdakı qaydalara uyğun şəkildə hazırlayıb 10 sentyabr 2026-cı il tarixinə qədər timbb@imbb.science.az elektron ünvanına göndərmək lazımdır.

DİQQƏT: Tezislər orijinal tədqiqatları əks etdirməlidir! Hər bir tezis plagiat və Sİ-yə görə yoxlanılacaqdır.

MƏRUZƏ TEZİSLƏRİNİN TƏRTİB OLUNMA QAYDALARI

Tezisin adından yuxarıda sağdan aid olduğu seksiyanın nömrəsi göstərilir və sonra bir sətir buraxılır.

Tezisin mətni:

Tezislər Microsoft Word A4 formatında, Arial 12 pt şrifti ilə (sahələr: hər tərəfdən 2 sm qoyulmaqla), sətirlərarası 1,15 olmaqla, ən çoxu 3 səhifə həcmində olmalıdır.

Abzaslar arasında məsafə qoyulmur, mətn hər iki tərəfdən düzləndirilir.

Tezisin adı ortadan böyük hərflərlə BOLD (qara) şriftlə, bir sətir buraxıldıqdan sonra növbəti sətirdə ortadan BOLD şriftlə müəlliflərin ad və soyadları (baş hərfləri böyük; ad açıq yazılır), bir sətir buraxıldıqdan sonra ortadan kursivlə hər müəllifin iş yeri, ünvanı, ölkəsi, əlaqə saxlanılacaq müəllifin e-mail ünvanı verilir (bu şəxsin soyadından sonra və e-mail ünvanından əvvəl yuxarıda * işarəsi qoyulur.

Bir sətir buraxıldıqdan sonra abzasdan (abzas - 1 sm) adi şriftlə əsas mətn başlanır.

Tezislər orijinal tədqiqat işlərinin nəticələrini əks etdirməlidir. Tezis təqdim edən şəxslər konfransda çıxış etməlidirlər.

Tezisdə ədəbiyyat siyahısı, şəkillər və cədvəllər verilmir.

Tezislər plagiat proqramında yoxlanılacaqdır.

Tezislər təşkilat komitəsinin dəyərləndirməsindən sonra nəşr üçün qəbul ediləcəkdir. Tələblərə uyğun olmayan tezislər çap olunmayacaq.

Müəlliflərin elmi dərəcələri, elmi adları, ORCİD nömrələri, elektron ünvanları və telefon nömrələri tezisin sonunda göstərilməlidir. Təhsilini davam etdirən müəllif təhsil pilləsinə uyğun olaraq özü haqqında məlumatda bakalavr, magistrant və ya doktorant olduğunu qeyd etməlidir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.