Azərbaycan Milli Elmlər Akademiyası

AMEA-nın Milli Azərbaycan Tarixi Muzeyinin Vətən müharibəsi fonduna şəhid mayor İlkin Rzayevin şəxsi əşyaları daxil edilib.

İlkin Rzayev 1984-cü ildə Şərur rayonunda anadan olub. O, 2006-cı ildə Heydər Əliyev adına Azərbaycan Ali Hərbi Məktəbini bitirib, ona leytenant rütbəsi verilib. İlkin Rzayev Müdafiə Nazirliyinin Təlim-Tədris Mərkəzində təkmilləşdirmə kursu keçərək orduda xidmətə başlayıb. Ona 2009-cu ildə baş leytenant, 2013-cü ildə kapitan, 2017-ci ildə mayor rütbəsi verilib. İlkin Rzayev 2016-cı ildə Aprel döyüşlərində iştirak edib.

Vətən müharibəsində iştirak edən İlkin Rzayev torpaqlarımızın azadlığı uğrunda düşmənə qarşı döyüşlərdə igidlik və fədakarlıq nümunəsi göstərib. O, Murovdağ uğrunda gedən döyüşlərdə şəhidlik zirvəsinə ucalıb.

Azərbaycan Prezidenti İlham Əliyevin sərəncamlarına əsasən mayor İlkin Rzayev “Azərbaycan Bayrağı” ordeni, “Vətən uğrunda”, “Kəlbəcərin azad olunmasına görə” medalları ilə təltif edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.