Azərbaycan Milli Elmlər Akademiyası

AMEA-nın Milli Azərbaycan Tarixi Muzeyinin Azərbaycan tarixinin elmi tədqiqi və təqdimi şöbəsi və Azərbaycan Dövlət Pedaqoji Universitetinin Ümumi tarix və tarixin tədrisi texnologiyası kafedrasının birgə təşkilatçılığı ilə “Mart soyqırımı - insanlığa qarşı cinayət” adlı elmi seminar keçirilib.

Əvvəlcə soyqırımı qurbanlarının xatirəsi anılıb.

Tədbirdə muzeyin Azərbaycan tarixinin elmi tədqiqi və təqdimi şöbəsinin müdiri Nərgiz Əliyeva çıxış edib. O, 1918-ci il 31 mart soyqırımı haqqında danışıb, bu faciənin yalnız Azərbaycan xalqına qarşı deyil, ümumbəşəri, insanlığa, humanizmə qarşı törədilən cinayət olduğunu vurğulayıb.

Daha sonra muzeyin aparıcı elmi işçiləri t.ü.f.d. Əli Fərhadovun “XX əsrin əvvəlləri Qacarlar dövründə missionerlik və müsəlmanlara qarşı soyqırımlar” və dosent Bəhmən Kərimovun “1918-1920-ci illərdə Şimali Azərbaycanın cənub-şərq regionunda bolşevik-erməni daşnaklarının törətdiyi qırğınlar”, elmi işçi Ləman Musayevanın “Soyqırımın  gənc nəslə  muzeylər vasitəsi ilə təbliği” və müəssisənin əməkdaşı Elmira Əliyevanın “1918-ci il mart soyqırımı zamanı Bakıda dağıdılmış mədəniyyət abidələri” mövzularında məruzələri dinlənilib.

Sonda verilən suallar məruzəçilər tərəfindən cavablandırılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.