Azərbaycan Milli Elmlər Akademiyası

İyunun 11-də İkinci Türk Dünyası Ədəbiyyat və Kitab Festivalı çərçivəsində AMEA-nın Mərkəzi Elmi Kitabxanası (MEK) öz stendi ilə təmsil olunub.

Sərgidə MEK-in fondlarındakı türkdilli ölkələrin dəyərli və maraqlı nəşrləri təqdim olub.

Onların sırasında "Heydər Əliyev siyasəti: tarix və müasirlik", "Zəfər yolu. 44 günlük Vətən müharibəsi zamanı Prezident, Ali Baş Komandan İlham Əliyevin çıxışları, müsahibələri, tvitləri", akademik İsa Həbibbəylinin "Molla Pənah Vaqif" və "Nizami Gəncəviyə fəxriyyə", akademik İsa Həbibbəyli və dosent İsmixan Osmanlının "Qabdulla Tukay və Azərbaycan", eləcə də "Azərbaycan yazıçıları XX-XXI yüzillikdə", Üzeyir Hacıbəylinin "Bayrağımız sarsılmaz",  "Türk dünyası Nevruz ansiklopedisi", "Atatürk ve modern Türkiye", "Dünya mirasında Türkiye", "Türkmenistan", "Türkmənlərin mənəvi dünyası", "Modern Kazakhstan" üç dildə, Şəmsəddin Kuzəçinin "İraq mətbuat tarixi (1869-2019)", Çingiz Aytmatov "Seçilmiş əsərləri", "Uzbekistan is our common home" özbək, rus və ingilis dillərində, Nihat Çetinkayanın "Kızılbaş Türkler. Tarihi, oluşumu ve gelişimi" və digərləri olub.

Sərgi iştirakçıları tərəfindən xüsusi maraq kəsb edən MEK-in təqdim etdiyi nəşrlər festivalın təşkilatçılarından olan Bizim.Media-nın masasında təqdim edilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.