AR ETN Kataliz və Qeyri-üzvi Kimya İnstitutunun 3 saylı laboratoriyasının müdiri, k.e.d., professor Akif Əliyev Türkiyənin Muğla Sıtkı Koçman Universitetində keçirilən “7th International Symposium on Materials for Energy Storage & Conversion” adlı beynəlxalq simpoziumda iştirak edib.
Simpoziumda dünyanın müxtəlif ölkələrindən – ABŞ, Yaponiya, Almaniya, Bolqarıstan, Serbiya və s. alimlər iştirak ediblər. Burada hidrogen energetikasının problemlərinə həsr olunmuş 32 plenar və 100-dən artıq şifahi məruzə dinlənilib.
Sonda bu beynəlxalq tədbirin 2024-cü ildə Bakıda keçirilməsi qərara alınıb. 2025-ci ildə tədbirin yenidən Türkiyə, 2026-cı ildə isə Serbiyada keçiriləcəyi barədə anons verilib.
Qeyd edək ki, akademik Dilqəm Tağıyev və professor Akif Əliyev bu simpoziumun əsas Təşkilat Komitəsinin (Steering Committee) üzvləridir.
© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.