Azərbaycan Milli Elmlər Akademiyası

Elm və Təhsil Nazirliyinin Dendrologiya İnstitutunun Elmi şurasının növbəti iclası keçirilib.

İnstitutun baş direktoru v.i.e. b.ü.f.d., dosent Minarə Həsənovanın sədrliyi ilə keçirilən iclasda sözügedən müəssisənin şöbə və laboratoriyalarında yerinə yetirilən elmi tədqiqat işlərinin müzakirəsi aparılıb.

İclasda 8 laboratoriya və 7 şöbənin müdirləri rəhbərlik etdikləri laboratoriyaların elmi və elmi-pedaqoji fəaliyyəti, monitorinqlər və mövcud problemlər ətraflı müzakirə olunub.

İclasın gündəliyində institutun elmi tədqiqat laboratoriyalarında icra edilən elmi tədqiqat plan işlərinin 2024-cü ilin birinci yarımilliyi üzrə hesabatları dinlənilib. Laboratoriya əməkdaşlarının tədqiqat plan işləri lazımi səviyyədə aparıldığı respublikamızın müxtəlif regionlarına ekspedisiyalar təşkil edilməklə qlobal iqlim dəyişkənliklərinin flora zənginliyinə təsir xüsusiyyətləri araşdırıldığı və bitki növlərinin yeni ərazilərə introduksiya edilməsi uğurla öyrənildiyi vurğulanıb.

Elmi şuranın iclasında, həmçinin iyun ayının 6-da Dendrologiya İnstitutunun Gəncə Nəbatat Bağı ilə birgə "Yaşıl dünya naminə həmrəylik ili"nə həsr olunan forumun və iyun ayın 20-21-i “Qlobal iqlim dəyişkənliyinin ekoloji mühitə təsiri” mövzusunda keçiriləcək beynəlxalq konfransın keçirilməsi ilə bağlı müzakirələr aparılıb.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.