Azərbaycan Milli Elmlər Akademiyası

AMEA-nın Azad Həmkarlar İttifaqının sədri s.e.ü.f.d., dosent Sənan Həsənov və Fəlsəfə və Sosiologiya İnstitutunun Beynəlxalq əlaqələr şöbəsinin müdiri fəlsəfə üzrə fəlsəfə doktoru, dosent Zöhrə Əliyeva Vətən müharibəsi qazisi, “Cəsur döyüşçü”, “Suqovuşanın azadlığı uğrunda” medalları ilə təltif olunmuş, Prezident təqaüdçüsü, Ağdaş rayonunun Cardan kəndində yaşayan Ədil Ədilovun nişan mərasimində iştirak ediblər.

Mərasimə qatılan alimlər qazinin ailə üzvləri ilə görüşüb, gəncləri təbrik edib, AMEA və Azərbaycan Həmkarlar İttifaqları Konfederasiyası (AHİK) adından nişan xonçaları və maddi yardımlar olunub. İştirakçılar qarşısında çıxış edən Sənan Həsənov AMEA-nın prezidenti akademik İsa Həbibbəylinin və AHİK sədri Səttar Möhbalıyevin gənclərə təbriklərini çatdırıb. Müzəffər Ali Baş Komandan İlham Əliyevin ətrafında birləşərək tarixi Zəfəri bizə yaşatdıqlarına görə Ədil Ədilovun timsalında bütün qazilərimizə və şəhid ailələrinə alimlər adından minnətdarlıq ifadə olunub. Nişan mərasimi adət-ənənələrimizə uyğun olaraq icra edilib.

Mərasimdə kənddə şəhidlərin əziz xatirəsinə həsr olunmuş bulaq ziyarət olunub, ruhlarına dualar oxunub. Qazi və şəhid ailələrinin üzvləri, qonaqlar və kənd camaatı bu diqqətə görə AMEA və AHİK rəhbərliyinə, o cümlədən ziyalılara öz minnətdarlıqlarını ifadə ediblər.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.