Azərbaycan Milli Elmlər Akademiyası

AMEA Rəyasət Heyəti aparatının İnsan resursları şöbəsinin müdiri, filologiya üzrə fəlsəfə doktoru Aynur Vaqif qızı Mahmud Yaqellon Universitetinin Avropa Araşdırmaları İnstitutunun və Çağdaş Təhsil Araşdırmaları Assosiasiyasının (CEAD)  birgə təşkilatçılığı ilə Polşa Respublikasının Krakov şəhərində keçirilən “XXI əsrdə Təhsil, Elm, İncəsənət və Cəmiyyət: İnnovativ Yanaşmalar və İmkanlar” mövzusunda 8-ci Beynəlxalq Çağdaş Təhsil Araşdırmaları Konqresində iştirak edib.

A.Mahmud beynəlxalq tədbirdə “Xarici dil mühitində ekvivalenti olmayan leksikanın öyrənilməsi problemləri” adlı məruzə ilə çıxış edib.  

Konqresdə əsas istiqamət təhsil olmaqla, müxtəlif sahələrdə multikultural və fənlərarası mövzularda tədbirə qatılan ölkələrdən olan iştirakçıların məruzələri dinlənilib, həmçinin beynəlxalq platformada fikir mübadiləsi aparılıb və akademik görüşlər keçirilib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.