Azərbaycan Milli Elmlər Akademiyası

UNESCO-nun Dünya Yaddaşının Beynəlxalq Reyestrinə daxil edilmiş “Xurşidbanu Natəvanın “Gül dəftəri” - illüstrasiyalı şeirlər albomu”na sertifikat verilib.

Sertifikatı UNESCO-nun Baş katibi Audrey Azoulay imzalayıb.

Bununla əlaqədar olaraq UNESCO üzrə Azərbaycan Respublikasının Milli Komissiyasının Baş katibi, Xüsusi tapşırıqlar üzrə səfir Seymur Fətəliyev Azərbaycan Milli Elmlər Akademiyasının prezidenti akademik İsa Həbibbəyliyə məktub ünvanlayaraq sertifikatı təqdim edib. 

Qeyd edək ki, “Xurşidbanu Natəvanın “Gül dəftəri” - illüstrasiyalı şeirlər albomu” 2023-cü ildə UNESCO İcraiyyə Şurası tərəfindən UNESCO-nun Dünya Yaddaşının Beynəlxalq Reyestrinə qəbul olunub.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.