Azərbaycan Milli Elmlər Akademiyası

AMEA-nın Fəlsəfə və Sosiologiya İnstitutunun şöbə müdiri gənc alim, siyasi elmlər üzrə fəlsəfə doktoru, dosent Günel Məliklinin “Чистейшей прелести чистейший образец” sərlövhəli məqaləsi “Bakinski raboçi” qəzetində işıq üzü görüb.

Məqalədə Azərbaycan Respublikasının Birinci vitse-prezidenti Mehriban xanım Əliyevanın adının milyonların qəlbində xeyirxahlıq ünvanına çevrilməsindən bəhs olunur.

Məqalədə qeyd edilir ki, Ulu Öndər Heydər Əliyevin dövlətçilik təcrübəsi və mənəvi irsi tükənməz bir xəzinədir və bu xəzinəni yaşatmaq üçün Azərbaycan Respublikasının Birinci vitse-prezidenti Mehriban xanım Əliyevanın prezidenti olduğu Heydər Əliyev Fondu mühüm işlər görməkdədir. “Birinci vitse-prezident Mehriban xanım Əliyeva Müzəffər Ali Baş Komandanın ən sadiq silahdaşı kimi yorulmaz fəaliyyət göstərir, xalqımızın ədalətli mübarizəsi barədə həqiqətləri dünya ictimaiyyətinin diqqətinə çatdırır, onun vətənpərvər çağırış və müraciətləri hər birimizi milli maraqlarımız naminə düşmənlə mümkün platformalarda, o cümlədən informasiya məkanında mübarizəyə səfərbər edir”, - deyə Günel Məlikli vurğulayıb.

Məqalə ilə buradan tanış ola bilərsiniz.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.