Azərbaycan Milli Elmlər Akademiyası

AMEA Rəyasət Heyəti aparatının Mülki müdafiə şöbəsinin müdiri Oqtay Fərzəliyev bu gün səhər saatlarında vəfat edib.

Oqtay Soltan oğlu Fərzəliyev 13 sentyabr 1954-cü ildə Zərdab rayonunda anadan olub. 1971-ci ildə Mingəçevir şəhər 1 saylı orta məktəbini bitirib. 1973-1978-ci illərdə Azərbaycan Neft və Kimya İnstitutunda təhsil alıb, 1980-2004-cü illərdə müxtəlif vəzifələrdə hərbi qulluqda olub.

2011-ci ildən Geologiya və Geofizika İnstitutunda Mülki Müdafiə Qərargah rəisi vəzifəsində işləyib. 2017-2019-cu illərdə AMEA Rəyasət Heyəti aparatının İkinci xüsusi şöbəsində baş mütəxəssis vəzifəsində çalışıb.

2022-ci ildən AMEA Rəyasət Heyəti aparatının Mülki müdafiə şöbəsinin müdiri vəzifəsində çalışırdı.

Allah rəhmət eləsin!

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.