Azərbaycan Milli Elmlər Akademiyası

8 Noyabr - Zəfər Günü münasibəti ilə Şəkidə ağacəkmə aksiyası keçirilib.

Aksiya AMEA-nın Şəki Regional Elmi Mərkəzinin, ADPU-nun Şəki filialının birgə təşkilatçılığı, Azərbaycan Respublikasının Ekologiya və Təbii Sərvətlər Nazirliyi yanında Meşələrin İnkişafı Xidmətinin 7 saylı Regional Meşə Təsərrüfatı Mərkəzinin dəstəyi ilə Şəki şəhər Zərifə Əliyeva prospektində baş tutub.

Aksiyada 44 günlük Vətən müharibəsinə xatirə olaraq 44 ədəd şam və göyrüş tingləri əkilib.

“Yaşıl dünya naminə həmrəylik ili”ndə və COP29 çərçivəsində təşkil olunan ağacəkmə aksiyası ətraf mühitin qorunması və ekoloji tarazlığın təmin olunmasına mühüm töhfədir.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.