Azərbaycan Milli Elmlər Akademiyası

Rusiya Federasiyasının Saratov şəhərində keçirilən “Müasir elmdə fənnlər arası yanaşmalar: çağırışlar, perspektivlər, nailiyyətlər” adlı beynəlxalq konfransda AMEA-nın Fəlsəfə və Sosiologiya İnstitutunun şöbə müdiri siyasi elmlər üzrə fəlsəfə doktoru, dosent Günel Məliklinin görkəmli alim Aida xanım İmanquliyevanın həyat və yaradıcılığına dair “Профессор Аида Имангулиева - Известная Азербайджанская Женщина – Востоковед” adlı məqaləsi dərc olunub.

Dosent Günel Məlikli məqalədə Azərbaycan Milli Elmlər Akademiyasının Şərqşünaslıq İnstitutunun direktoru olmuş, Azərbaycanda ərəb ədəbiyyatı üzrə ilk elmlər doktoru, ilk professor - qadın olan görkəmli şərqşünas alim Aida xanım İmanquliyevanın həyat və yaradıcılığından bəhs edib. G.Məlikli professor Aida xanım İmanquliyevanın sözün əsl mənasında, nadir və parlaq insan, zahiri gözəlliyi ilə yanaşı, çox zəngin daxili aləmi olduğunu qeyd edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.