Azərbaycan Milli Elmlər Akademiyası

Elm və Təhsil Nazirliyinin Fizika İnstitutunda İspaniyanın Bask Universitetinin Tətbiqi riyaziyyat kafedrasının professoru Dr. Xavier Bilbao Landaxte qonaq olub.

Qonaq institutun baş direktoru, akademik Arif Həşimovla görüşüb. A.Həşimov qonağa elmi müəssisədə görülən fundamental işlərdən, həmçinin laboratoriyalarda aparılan tədqiqat işlərindən bəhs edib. O bildirib ki, Fizika İnstitutu dünyanın bir sıra aparıcı elmi müəssisələri ilə əməkdaşlıq edir, əldə olunan elmi nəticələr yüksək impakt faktorlu jurnallarda dərc olunur. 

Qonaq Fizika İnstitutunda olmasından məmnunluğunu bildirib. O, Bask Universiteti ilə Fizika İnstitutu arasında əməkdaşlığın məqsədyönlü olacağını qeyd edib. Tərəflər əməkdaşlığın rəsmiləşməsi istiqamətində addımların atılması qərarı veriblər.

Görüşdə institutun icraçı direktoru, professor Hüseyn İbrahimov, baş elmi işçi Nəriman Rəhmanov, elmi katib Afət Kərimova, Elmi innovasiyalar və xarici əlaqələr şöbəsinin müdiri Rüstəm Rüstəmov və laboratoriya rəhbəri Tələt Mehdiyev iştirak edib.

X.Bilbao Azərbaycan Elmi-Tədqiqat və Layihə-Axtarış Energetika İnstitutunu da ziyarət edib.

© Bütün hüquqlar qorunur. Xəbərlərdən istifadə edərkən www.science.gov.az saytına istinad zəruridir.